首頁 | English | 繁體 | 简体 |
macauHR.com – Macau’s No.1 Job Site
僱 主
註冊 登入 忘記密碼 幫助
職場竅門

發稿單位: 致富智庫
發稿日期: 2017-01-16

5招玩心理 助你職場上位

打工仔想上位,固然要做得嘢,不過當工作能力你有人都有時,仲可以點行多步贏人?以下5招,教你喺職場上點樣玩心理,畀人一個醒目嘅印象,升職加薪都快人一步。

不過,職場要注意嘅事何其多,除了要識讀心,自己如何增值亦好重要。

話說回來,睇過以下5招玩心理

========================================================================================

1、【講嘢快少少】
想畀人一種醒目嘅印象?不妨講嘢快少少。理想速度係每秒6個字。不過唔好忘記間唔中要停一停,最好每分鐘停4至5次。平時喺屋企錄音,自己聽番語速啱唔啱。

2、【打破規則】
想第一日返工就留個好印象畀人?試吓唔跟大隊做事,去做啲人哋第一日未必敢嘅事,好似唔好等人教,自己埋咖啡機沖嚟飲之類,咁喺自信嘅表現。不過,只可以喺啲含蓄位度顯示霸氣,太浮誇會有反效果。

3、【串串哋】
研究顯示,相比誠懇或中性嘅對話,嗰啲串人嘅對話,更能刺激思維、激發創意!不過於職場上,最有效嗰啲,唔係串人嗰啲,而係幽默地自嘲嗰種。再講多次,記得唔好串人,係串自己!

4、【着番見工戰衣】
戰衣者,係見工着嗰種。戰衣上身,成個人都即刻充滿力量!冇呃你,有研究指,執得正可以幫你客觀面對批評,處理得好啲。總之面對批評嗰陣記住4個步驟︰聆聽、承認責任、提出解決方法、同埋着戰衣。

5、【多啲行企,少啲坐】
最後一招係少啲坐,行企唔單止氣勢強啲,更有研究指,多啲行企可以保持頭腦清醒,咁先諗到好Idea。下次開會,咪再大家對住張枱坐咁呆滯,不妨試吓大家圍住塊白板,邊寫,邊畫,邊傾。
搜尋工作
資源中心
相關文章