首頁 | English | 繁體 | 简体 |
macauHR.com – Macau’s No.1 Job Site
僱 主
註冊 登入 忘記密碼 幫助
職場竅門

發稿單位: 扮工男女
發稿日期: 2017-02-24

【捉HR心理】面試「必死」10式

古往今來揸住雞毛嘅人永遠都成眾矢之的,HR自然唔例外,成為職場文章經常嘅分析對象。

HR嘅心理到底係點?睇睇以下10項就知道,原來喺佢哋眼入面,呢啲求職面試行為,其實係「必死」無疑。

第一式︰對答唔得體

試過有大學生見工果陣做筆試,做做吓走咗人,HR同事好緊張打電話俾佢,問佢點解唔見咗,對方話「屋企有事」,呢個答案激死HR,自此永不錄用。亦有人見工「唔知死」,以為好funny咁讚面試官靚仔,結果令全場人O晒嘴。


第二式︰面試手機響

見工唔識手機等於「去廁所唔洗手」一樣,都係令人接受唔到。唔好再問點解,再問只會顯得你無知。


第三式︰唔識扮識

依家好多工作都分得好細,當面試果陣被問到一啲技術性問題,一定要誠實回答,方為上策。如果夾硬回答,再問落去,其實好易露出馬腳,非常瘀皮。


第四式︰面試唔望人

從容對談,望住人講嘢,一向都係自信表現,如果咁基本都做唔到,不如砍掉重練。


第五式︰事前無做功課

「你知道公司係做乜嘢嗎?」如果連呢類面試題目都答唔到,你都係唔好浪費大家時間啦


第六式︰自我介紹介紹晒袓宗十八代

自我介紹最怕遇到介紹「我的家庭」……邊個想知


第七式︰唔識問問題

「仲有沒有問題想問?」呢條其實都係問題, 如果真係冇問題,就答冇,千祈唔好多口問︰「幾時收工」、「有冇OT」之類嘅問題,你會死得好慘。


第八式︰着涼鞋見工

可能因為天氣熱、可能因為潮流興,但都千祈唔好著涼鞋見工。


第九式︰吊高來賣

要求一個不符合自己實力嘅人工,係無知,無知都係一種罪。


第十式︰帶埋家長見工

見工唔係「家長日」,各位未戒奶嘅準畢業生請銘記於心。

搜尋工作
資源中心
相關文章