Home | English | 繁體 | 简体 |
macauHR.com – Macau’s No.1 Job Site
Employer
register login forgot password help
Career Tips

From: 致富智庫
Date: 2017-06-15

他朝好相見!勿與新同事講14句話

有沒有想過,怎樣對新同事打招呼也要考究?只要說錯一句話,恐怕會立刻引起新同事緊張不安!外國傳媒就專門採訪了人事顧問及心理學家,得出以下結果。你一定不要對他/她說以下這14句話:

─ ─ ─ ─ ─ ─ ─
1、「你好cute(可愛),想同我約會嗎?」
就算大家都係單身,好明顯,呢種話會非常尷尬!唔該你提出這樣的問題前,用吓個腦先!

2、「別和那些人埋堆(混在一起)......」
即使你真係「正義朋友」、有充分理由,但對新同事來說,這樣的話只會令人覺得你係心胸狹窄。你估新同事係「村姑」咩!點解要信你,而捲入辦公室政治呢?

3、「我討厭我們的老闆/公司/同事/所有人。」
新同事邊識咁多?又係嗰句,憑咩聽你講?新同事櫈都未坐暖,他們仍有顆熱誠要效忠老闆,而非性格暴躁、愛抱怨的同事。

4.「祝你好運!」
嘩!想新同事立即唔撈?呢啲嘢好明顯聽落「有骨」,只會讓對方覺得你卑鄙。真心講?咁用吓腦先啦!

5、「有你,我甩難喇(逃過一劫)!」或者「你可能會後悔做呢份工!」
咁同話畀人聽做呢份工係「中伏」有咩分別?講完!

6、「你以前嘅公司有咩最新消息呀?」
咁八卦做咩?如果新同事想分享,他們會主動說。

7、「到目前為止,你在這裏開不開心?」
唔該,新同事才剛剛開始工作!完全是冇腦的提問。

8、「呢啲規定或政策得個講字,實際上冇乜人理。」
新同事一上班就鼓勵佢破壞規矩?到他日佢坐定咗,你就有排煩。

9、「你人工幾多?」
諗吓,邊個想答你?換轉係你,又想唔想同第一日見嘅人講?

10、「跟着我,你有運行!」
你老幾?首先,對方會覺得你是個自大狂;第二,你都未了解新同事係咩人!隨時自己「捉蟲」。

11、「知道呢啲,你喺呢度就襟撈(成功)。」
講呢啲都可以,但都係等新同事自己問、自己發現啦。

12、「喂...阿邊個...你...」
喂喂聲,好難聽!新同事就算唔講,你唔記得人個名其實係冇禮貌。可以問吓其他同事,唔好亂「喂」。

13、「對唔住/唔好意思。」
呢啲唔好亂講!除非你踩親佢、倒瀉嘢,否則亂道歉,叫人點回應?

14、咩都唔講!
講乜都話唔好,即係要視而不見?當然不是,如果新同事走到你身邊,你應該努力表現出自己的風度、禮貌,讓對方舒服,不要當住面亂講是非、評頭品足。總之就唔係亂咁做主動啦......
Find a Job
Resource Channels
Related Resources